نكة عن الوقت الوقت من السيف ان لم تقطعه قطعك

ملاحظة: هالقصة صارت مع صديق لألي و اكيد صايرة معكون كمان...

وكأن الف واحد عم يفيقوه مع بعض نط من التخت طلع عالساعة وصار يركض متل المجنون لهون لهنيك...
ما بيعرف شو بدو يساوي شي بيروح للحمام ليغسل وشو, وشي بيرجع لغرفتو ليلبس الكنزة, من جهة بيمشط شعرو اللي ما بقى يجتمعو بمكان كأنون متخاصمين ومن جهة بيدحش أجرو بالبنطلون لبس الجرابات كل فردة شكل....
شك حالو بالكندرة قصدي شك اجريه بالكندرة و من دون ما يربط الرباطات طلع فريرة من البيت....
وصل لمكان السرفيس لونو مخطوف وكأنو 50 واحد عم يركضو وراه...وأخيرا ركب بالسرفيس بس لاحظ شغلة مو طبيعية واللي هي انو هاي اول مرة بيركب من دون ما يصف عالدور والاغرب انو هاي اول مرة ما بيضل عالواقف...
قبل ما هو يسأل الشوفير (وكأن الشوفير عم يقرا افكارو ولاحظ علامات الاستفهام يلي براسو) قلو اي خيو الساعة رجعوا لورا...
نزل من السرفيس متل ما ركبو رجع للبيت فتح الباب وبوشو لغرفتو رجع لينام من جديد ومن دون ما يغير تيابو حتى....

ههههههه ولله يا هفال مهما صار الواحد بياخد احطياطاتو كل شكر الك عن هذا الموضوع فعلا ان الوقت كلسيف ان لم تقطعه يقطعك